Qlq part (album kamizole)

{qlq part keyn wa7d ga3d ysoufri
wa7d wa7d ga3d dima yebki
qlq part qlq part qlq par}(2 fois)
qlq part kayna tofla teskn b3id 3alla ville
gdah mesna whia ta9ra sba7 nhar w lil
ktab wra ktab exercice wra exercice
dima 20/20 wella 10/10
waslat terminal les profs ketbo faha
science math physique 3arbia koul far7ine baha
3agbet limti7an ki faddet la saison
affichaw la liste dat lbac avec mention
faar7a kbira ray7a tebda 7yat jdida
mesghorha whya ta7lem bah ki tekbr twelli tbiba
lmochkla silk ljami3a chwia b3id
mate9derch tro7 wetji lazem kitro7 tbat lhik
babaha ma7ebech galha nsay had leklam
wech bik ddiri l3ar wl7chouma m3a jiran
9fal 3laha ddar wmel9raya battalha
ra7 jabelha za3ma wa7ed bah yeddaha w yekhtobha
w ghettalha l'espoire wchem3a zadt tfat
l7elm 3ad cauchemare wlgalb bl7ozn fad
ettofla hadia moch ghi hia fhad l'histoire
ahom kaynin kifha li ysoufriw qlq part
{qlq part keyn wa7d ga3d ysoufri
wa7d wa7d ga3d dima yebki
qlq part qlq part qlq par}(2 fois)
qlq part keyn tfol mcheho kbir fella3mor
gado gad 7alo ak ta3ref lwa9t walla morr
ma3andouch khadma fixe bsa7 sure ydabar rasso
ybouji mena wmen lmasrouf lazem yguisou
swared li yjibhoum y3awen bihoum familto
wlokhrin ykhabihoum khatak 3ndo projet fi yedo
ya3ref tofla y7ebha w mout 3laha
hdar m3a waldeha w nawi yetzawej baha
tkabbro 3lih galoulou ghi ro7 tel3eb
matekseb walou bentna sure ray7a tet3eb
meme lakan t7ebek makan lah ta7lem
7na tofla teskot baba hwa li ye7km
enfin hoa li ybi3 ysoum w yechri
galha dork njiblek li y3aychek wyi3ayechni
sa7 bessif mayemchi chayeb chwia rachi
basa7 3ando cheque w swared f les sachets
gdah men wa7d ymed bento hakak ylassag
wbma3d 3am terja3 ldar l7amha azrag
makanch wa7da wella zouj fhad l'histoire
kaynin bezaf li ysoufriw qlq part
{qlq part keyn wa7d ga3d ysoufri
wa7d wa7d ga3d dima yebki
qlq part qlq part qlq par}(2 fois)
qlq part keyn drari sghar tchokaw a vie
mafahmouch w3lah babahom felil yedkhol mnervie
3inih 7mor wzid fi fom wa7d ra7a
ynod ykassar kolech w marto ya3teha tra7a
mafahmouch wa3lah y7eb yedrabhom ygademlhom
omhom tebki khayfa 3lihom wet7adanhom
tsabarhom tgolhom ma7adtchi dorka yes7a
whouma msaken beerro3b elkhouf wlkhal3a
w qlq part tfol wa7dakhor aho ma7tar
w3lah babahom mcheho 3aych m3ahom fdar
mara fellakhtar yji 3la nos nhar
yechri l7alwa lgateau w jus w limonade
weychouf ommo hia li trabbi w 9ayma bihom
tekhdem teghsel temsa7 teksi wt9arri fihoum
tektel ro7ha bah wladha jamais yetkasso
wlakan te7sol liali b dmou3 yetgheslo
waslo lhadra lhadak lache hadak lfachel
li mtayech wlado mazal msemi ro7o rajel
sabbro nnas li 3andhom had l'espoire
khatak kaynin bzaf li ysoufriw qlq part
{qlq part keyn wa7d ga3d ysoufri
wa7d wa7d ga3d dima yebki
qlq part qlq part qlq par}(2 fois)
qlq paaaaaaaaaaart qlq part(4 fois)
qlq part
yeeeeeeh hadia delicasse
ghnaya ma3moula specialement lennas
li tsoufri b derga
li tebki f dalma
li sabra ltema wted3i rabi bah tetcalma
hadia juste kelma jaya men 3endna
esme3ha wa7kemha cadeau men 3ndna
juste lghnaya li tala3 lmoral
3la jal le3bad li ysoufriw qlq part
qlq paaaaaaaaaaart qlq part(4 fois)
qlq part